وفا پلي، سنڌي غزل جو بھترين شاعر جوانيءَ ۾

پلي، ولي محمد ’وفا‘: غزل جي مشهور شاعر وفا پليءَ جو اصل نالو ولي محمد ولد خانصاحب عطا محمد پلي آهي. هن 7 ڊسمبر 1944ع تي ڳوٺ خان صاحب عطا محمد پلي، ضلعي عمرڪوٽ ۾ جنم ورتو. هن جي تعليم سنڌي فائنل ۽ اديب سنڌي آهي. ولي محمد ’وفا‘ همعصر دؤر جو هڪ پختو شاعر آهي. شاعريءَ ۾ ڪافيون ۽ غزل سندس پسند جون صنفون آهن. هي خاص ڪري غزل ۾ پنهنجو منفرد لهجو، اسلوب ۽ گهاڙيٽو رکي ٿو. کيس نامور فنڪارن عابده پروين، استاد غلام قادر، سينگار علي سليم ۽ شفيع فقير خاص طور ڳايو آهي. ولي محمد وفا، پيشي جي لحاظ سان زميندار آهي. هن وٽ به پنهنجي ڀاءُ عبدالڪريم پليءَ وانگر اديبن ۽ شاعرن جون هميشه محفلون متل هونديون آهن. ولي محمد وفا جي ڇپيل ڪتابن ۾: (1) ’لونءَ لونءَ منجهه لغار‘ (1962ع) ۽ (2) ’درد هزارين هڪڙي دل‘ (1 جنوري، 2001ع) شامل آهن. سنڌي غزل جو ھِي مشھور شاعر 18 اپريل 2019ع تي ڊگهو عرصو بيمار رھڻ بعد لاڏاڻو ڪري ويو.

داخلا ۾ استعمال ٿيل تاريخون

1944.12.07  عيسوي

ولي محمد ’وفا‘ 7 ڊسمبر 1944ع تي ڳوٺ خان صاحب عطا محمد پلي، ضلعي عمرڪوٽ ۾ جنم ورتو.

2019.04.18  عيسوي

ولي محمد ’وفا‘ 18 اپريل 2019ع تي ھن جھان مان لاڏاڻو ڪري ويو

شاعر - ڀاڱي جون ٻِيون داخلائون